En 1994, la descubèrta en Ardecha d’aquela espeluca aurinhaciana espectaclosa, testimònia d’un art parietau perfectament mestrejat a una epòca m-onte l’esperaviam pas, a dubèrt de perspectivas nòvas a l’istòria de l’art e a l’antropologia umana. A tanben participat a far reconéisser lo Velai e la vau de Ròse coma tèrras majas per la conoissença de la preïstòria, au costat dau Perigòrd e dau Carcin, mai coneguts dau public.

A l’ocasion d’aquel anniversari, dos eveniments magers marcan lei festivitats:

• Una jornada especiala sus lo site dau facsimile Grotte Chauvet 2-Ardèche, ambe d’animacions e de visitas a gratis.
• Una mòstra temporària, « Grotte Chauvet, l’aventure scientifique« , a la Ciutat dei Sciéncias de París.

E s’avètz pas l’astre de posquer anar a Valon ni a París, li una importanta produccion audiovisuala consacrada a la bauma e a l’istòria de sa descubèrta, de qué:

• En occitan, lo podcast de Matieu Casanova dins lo Diari: « 18 de decembre de 1994 : lo jorn que fuguèt descubèrta la bauma de Chauvet«  (28 d’octòbre de 2024).
• En francés, « Au temps de la grotte Chauvet« , dins La terre au carrée, France Inter (9 de decembre de 2024).
• « La grotte Chauvet » dins l’emission Chroniques d’en Haut sus França 3-Auvernha-Ròse-Aups (disponibla fins a decembre de 2025).
• « Grotte Chauvet – Dans les pas des artistes de la Préhistoire » sus Arte TV (disponible fins au 6 de febrier de 2025).

Ambe tot aquò, trobarètz de segur de qué contentar vòstra curiositat!